#الثانوية_العامة تتصدر اهتمام المصريين: تزاحم وكورونا وانتقاد للسيسي

#الثانوية_العامة تتصدر اهتمام المصريين: تزاحم وكورونا وانتقاد للسيسي
#الثانوية_العامة تتصدر اهتمام المصريين: تزاحم وكورونا وانتقاد للسيسي
مع أول أيام الامتحانات، تصدر وسم #الثانوية_العامة قائمة الأكثر تداولاً المصرية، مصحوباً بتفاعل كبير يرصد تجاوزات أول امتحان في زمن الكورونا، وأبرزها التزاحم أمام اللجان من قبل أولياء الأمور، وعدم التزام الطلاب بالتباعد، والغش الجماعي، وتوقع مغردون قفزة كبيرة في أعداد الإصابات بالفيروس عقب تلك التجاوزات.وعلقت رحاب على تصريح وزارة الصحة بارتفاع الإصابات بكورونا بسبب الامتحانات: "‏قول وكتاب الله! ما الناس بتقول من أول قرارات الوزير يا حكووومة. #كورونا
#الثانوية_العامة". وعن الوزير، كتب محمد عرفة: "‏أنا بصراحة اليوم اللي عمل فيه المؤتمر اطمنت شوية هو كان واثق ومبسوط جدا وباين عليه ومكنتش متوقع ان دة كله يحصل بس أنا النهاردة اتصدمت.. احنا كلنا كنا فوق بعضينا ولا في أي حاجة من اللي قاله عليها واذا استمر على كدة فنترحم على نفسينا.. والله موضوع كورونا مش سهل بلاش عند. #الثانوية_العامة".ونقلت سارة زكي عن الأذرع: "‏‎#عمرو_أديب بيولول .. صعبان عليا حنجرتك وأعصابك والله. #الثانوية_العامة #كورونا ‎#كورونا_مصر". ووافقها حساب "غواص في بحر الويب": "‏‎#عمرو_أديب و ‎#وائل_الإبراشي ما صدقوا شافوا صور أهالي طلبة ‎#الثانوية_العامة وهيعملوا هيصة على الزحمة... وكأننا اتفاجئنا مثلا.. فرصة نحمل الناس أي غلط والسلام.. ولو حالات ‎#كورونا زادت يبقى انتوا السبب وخلاص".في حين غرد"آسر": "‏انت فاكرهم بعقلية أحمد زويل .. دول شباب مراهق مندفع لقا نفسه شايل فوق هم ‎#الثانوية_العامة كارثة ووباء اسمه ‎#كورونا وهوا لاحول له ولا قوة ومحدش رحمه وشافله أي بديل تاني يتناسب مع عصر النت والاونلاين يجنبهم شرور هذه الجائحة لكن للأسف .. خفوا الضغط وارحموا أعصابهم".
وذكر إسماعيل الطبري": "‏‎#الثانوية_العامة.. الناس اللي منتظرين تقرير وزارة الصحة اليومي عن عدد المصابين بفيروس كورونا هيزيد بعد أول يوم امتحان ولا لا.. أحب أقول لهم هل تتوقعون وزارة الصحة هتحرج وزارة التعليم وتثبت للناس أن قرار وزير التعليم الغير مسؤول عمل كارثة ... أشك".وأقسم "جودة": "‏‎#الثانوية_العامة .. أقسم بالله حرام ال بيحصل دا ....الدولة بتضحي بالطلاب وأولياء أمورهم.. سوري بتضحي بالشعب كله... طب لو حد مصاب في التزاحم دا كله ايه الوضع!!! حسبنا الله ونعم الوكيل".

مشاركة الخبر: #الثانوية_العامة تتصدر اهتمام المصريين: تزاحم وكورونا وانتقاد للسيسي على وسائل التواصل