دعواتكم بالشفاء جابت نتيجة .. ابن مها احمد يعلن شفاءه من مرضه

دعواتكم بالشفاء جابت نتيجة .. ابن مها احمد يعلن شفاءه من مرضه
دعواتكم بالشفاء جابت نتيجة .. ابن مها احمد يعلن شفاءه من مرضه
تم نشره منذُ 41 دقائق،بتاريخ: 24-10-2020 م الساعة 12:18:30 الرابط الدائم: https://newsformy.com/news-306251.html في :     بواسطة المصدر :

أعلن نجل الفنانة “مها أحمد ” “عادل مجدي كامل”، من خلال حسابه الشخصي علي موقع تبادل الصور والفيديوهات “انستجرام”، شفاءه من مرضه الغامض.

وكتب “عادل مجدي كامل”: “جمعة مباركة اللهم صل وسلم على سيدنا محمد وعلى آله، الحمد الله على كل شيء، بعد تعب استمر إلي فتره كبيرة وأصعب فترة عدت عليا في حياتي
وأوحش إحساس أنا حسيته في حياتي، وعمري مقدرت أنساها لانها خلتني أتعلم حاجات كتيرة جدا، وأعرف مين اللي يستاهل إني اديلوا عيني و مين اللي مكنش ينفع يبقي موجود في حياتي من الأساس.

إكتشاف  حاجات جديده :

وأشار نجل الفنان” مجدي كامل” : “الحمد الله إن ده حصل إن ربنا يخليني اكتشف حاجات مختلفة كنت معمي عنها، والحمد الله علي النعمة الكبيرة دي ، وهي إن الناس اللي بتحبك وبتدعيلك من قلبها، أنا بجد مبسوط كتير من الناس اللي كانت بتكلمني كل شوية، وإن كانت بتراسلني ، واللي كانت بتدعيلي، وهما في الأصل ناس كتيره جدا منهم مش علي صله بيه ، أنا بجد مش عارف أشكركم إزاي، ولا أعرف أقول كلام يوصف قد إيه أنتوا ناس جدعه و طيبة ، وناس قلوبها صافيه وبتتمني الخير إلي غيرهم، ألف ألف شكر إلي كل الناس اللي كلمتني وكانت قلقانه عليا”.

الدرس إلي اتعلمه  أحمد مجدي كامل:

وإستكمل عادل مجدي كامل: “أنا الحمد الله بقيت أحسن كتيير من الأول، وطلعت من اللي أنا كنت فيه،و النهارده إن شاء الله هنزل التمرين، وهرجع أتمرن من تاني، وأعيش حياتي زي الأول، والحمد الله على الدرس اللي أنا اتعلمته في الفتره دي، وإن شاء الله اللي جاي يكون أفضل و يكون كلها نجاح و إيجابيات وفرح وسعادة”.

وتابع نجل الفنانة “مها أحمد”: “أحب أن أشكر كل الناس مرة تانيه ، أنتوا علي رأسي من فوق والله، وأنا من دلوقتي عرفت وبقيت متأكد إن ساعات الغريب عننا بيكون أحسن مليون مرة من أقرب الناس ليك لأن اكتشفت إن الغريب بيفضل زعلان عليك،و لكن القريب بيزعل عليك شويه وبينسي”، مشيرا : “أنا الحمد الله بقيت زي الفل ومن النهارده حياة مختلفة تماما عن اللي فاتت، وأفضل بإذن الله”.

مشاركة الخبر: دعواتكم بالشفاء جابت نتيجة .. ابن مها احمد يعلن شفاءه من مرضه على وسائل التواصل